Conexion entre Famia y Districto na Aruba

170220 fam districto1Prome cu Aruba a desaroya e industrianan economico di petrolio y turismo, Aruba tawata conoce districtonan cu comunidadnan basta cera. Yuinan tawata keda biba y traha den e mesun districto na unda nan a lanta. Hopi biaha casamentonan tawata entre persona di e mesun districto. Esaki a contribui na e hecho cu den cierto famia e terenonan tawata keda ‘den famia’ y pa generacionnan cierto fam a keda conecta cu cierto districto.

Fundacion Museo Arubano a captura un gran parti di esaki den e siguiente mapa.
170220 fam districto2Por mira cu Wolff, Kelly, Tromp y Flanegien tur ta conecta cu e districto di Noord.
Croes, Boekhoudt, Yarzagaray y Bareño ta conecta cu Paradera y Piedra Plat.
Croes, Werleman, Geerman y Paskel ta contecta cu Santa Cruz.
Quandt, Vos, Martis y Hoek ta wordo conecta cu Rancho.
Bislik, Christiaans, Schwengle y De Kort ta conecta cu Savaneta.

Asina tin mas nomber di famia cu por wordo añadi na e mapa, tin di nan cu un conexion regional mas fuerte cu otro. Por ehempel famia van der Linden, Thijsen, Ras, Vrolijk, Wever, Figaroa, Semeleer, Arends, Maduro, Lampe, Laclé y Henriquez

E conexion entre famia y districto no ta mesun estrecho awendia, pero keto bay por nota cu diferente famia a preserva e conexion cu un districto.