Kico abo sa di Champagne? Champagne ta biña sparkling, pero no tur biña sparkling ta Champagne. Kico ta e diferencia? Bo por warda biña sparkling den frigidaire? E ta haci'bo burachi mas lihe? Dicon Champagne y otro biña sparkling tin gas?
Un glas di biña sparkling ta contene mas o menos 1 miyon di bubbel. Esaki ta debi na e segundo fermentacion cu ta tuma luga den e boter. Durante e proceso aki, e presencia di sucu y gist den e biña ta causa e reaccion cu ta pone cu CO2 (gas di carbon) ta wordo produci.
Siguientemente, pa por lo menos 15 luna, e boternan ta wordo warda boca abou den un reki (frances: pupitre). Tin biaha, ta bira e boternan despues di algun tempo, pa asina e proceso di fermentacion cana igual. E 'gistbezinksel' (sedimento) cu ta acumula abou den e garganta di e boter ta wordo gevries brevemente pa asina wordo saca for di e boter. Finalmente un 'liquer d'expédition' (mezcla di biña y sucu) ta wordo añadi pa compensa pa e perdida di likido. E cantidad di suco den e mezcla aki ta wordo adapta pa asina yega na e nivel di secura desea.
Ta existi proceso mas economico pa haci e segundo fermentacion, por ehempel e metodo inventa na 1910 yama méthode Charmat (na Eugene Charmat) caminda ta usa tanki di stainless steel y ta agrega gist y suco den e tanki. Casi tur prosecco y demas biña sparkling barata ta wordo procesa di e forma aki. Biña "sparkling" di calidad mas abou, por ehempel Canei, ta haya su bubbels door di simplemente injecta (spuit) CO2 aden. Pa e motibo aki, e marca aki no tin mag di propaganda su mes como sparkling na, por ehempel, Merca. 'Champagne' ta un marca protegi
E nomber 'Champagne' ta un marca protegi y solamente por wordo usa riba un boter si esaki ta procedente di e region Champagne na Francia. Den Union Europeo, biña sparkling, cu ta haci uso di e proceso di segundo fermentacion den boter, cu ta procedente di otro region (cu no ta e region Frances di Champagne), tin mag di carga un propio nomber y propaganda cu e biña sparkling en cuestion a wordo produci pa medio di e 'metodo clasico.'
Por ehempel, ta usa 'Crémant' y 'méthode traditionelle' si e ta di otro parti di Francia, Cava y metodo clasico si e ta di Spaña, Spumante y metodo classico si e ta di Italia, Espumante y metodo classico si e ta di Portugal, Sekt y klassische Flaschengarung si e ta di Alemania of Austria, Cap Classique si e ta di Surafrica, Sparkling Wine y traditional method si e ta di entre otro Australia, Argentina, Chile y Merca pero tambe Mousserende wijn of Sprankel y méthode traditionelle si e ta bin di Hulanda. E unico excepcion ta Champagne di California a consecuencia di un buraco den ley ora cu Merca y Union Europeo, despues di varios decada di negosacion, na 2005 finalmente a yega un acuerdo pa cu uso di e nomber Champagne. Na Merca, niun productor tin mag di usa e nomber Champagne, a menos cu e productor tabata usa e nomber aki caba prome cu 10 di maart 2006. Un marca popular di Champagne di California ta André.
Ken a inventa Champagne?
Esaki te cu dia di awe ta un topico di discusion. Dom Perignon, un monnik procedente di e region Champagne, ta wordo considera e inventor di Champagne y ta wordo bisa cu el a haci esaki na 1697. Sin embargo, tin prueba cu na Limoux, den parti sur di Francia, ya caba tabata produci biña sparkling for di aña 1531. Tambe tin hende cu ta kere cu e tecnica di un segundo fermentacion a wordo inventa pa cientifico Christopher Merrett na Inglatera den aña 1662.
Laga Champagne pa ken?
E corki di un boter di Champagne ta diseña pa wanta e presion cu tin den e boter y ta expande asina cu bo saca esaki. Pesey, una bes bo habri un boter di Champagne, ta casi imposibel pa cere bek usando su corki. E gas ta scapa anto pa e siguiente dia ya e biña ta plat. Algo cu por yuda, ta inverti den corki special (Champagne stopper) cu ta purba mantene e presion den e boter.
Sinemargo, cu of sin corki special, mas bashi e boter ta, mas oxigeno tin den e boter y consecuentemente mas lihe e ta perde su bubbels (gas) paso e gas di carbon (CO2), cu ta mas pisa cu oixigeno (O2), ta purba pusha e oxigeno afo di e boter y asina ta perde su mesun potencia. Pesey, ora di habri un boter di Champagne ta miho pa caba esaki e mesun dia.
Diferente sorto di Champagne
Ora di cumpra un boter di Champagne, Cava, Spumante of otro biña sparkling di bon calidad, ta importante pa sa e diferencia entre e smaaknan. Di Brut pa Doux, e diferencia tin di haber cu e cantidad di sucu den e boter. Di seco pa dushi:
Brut Nature: niun sucu adicional y menos di 3 gram/liter di sucu. Apropia pa e bebedo avansa.
Extra Brut: entre 0 y 6 gram/liter di sucu.
Brut: menos cu 12 gram/liter di sucu. Esaki ta e variedad di mas suave y mas bendi.
Extra Sec (Extra Dry): entre 12 y 17 gram/liter di sucu. Un tiki mas zoet cu Brut.
Sec (Dry): entre 17 y 32 gram/liter di sucu.
Demi-Sec: entre 32 y 50 gram/liter di sucu.
Doux: mas cu 50 gram/liter di sucu.
Gran mayoria di Prosecco no ta pasa den e proceso di segunda fermentacion den boter y banda di e diferencia den produccion y calidad tambe tin un diferencia den e variedadnan. Prosecco di seco pa dushi:
Brut: te cu 12 gram/liter di sucu.
Extra Dry: entre 12 cu 17 gram/liter di sucu. Esaki ta e variedad di mas popular.
Dry: entre 17 y 32 gram/liter di sucu.
Cua ta e miho glas pa bebe Champagne?
Glas di champagne ta bin den diferente forma. E dos tipo di glasnan mas famoso y historico ta e coupe y e flûte. E coupe ta e original, basicamente e forma di un comchi. Leyenda ta bisa cu e inspiracion pa e diseño di e coupe a bin di e pecho robes di Marie Antoinette. Berdad of no, na 2008 Moët & Chandon a puntra diseñador Karl Lagerfeld pa diseña un coupe nobo pa nan champagne Dom Perignon, anto el a haci esaki tumando inspiracion for di e pecho robes di modelo Claudia Schiffer y seis aña despues a basa e coupe riba e pecho robes di Kate Moss.
E flûte a wordo introduci rond di 1700 y a bira popular na siglo 20 paso su forma largo y boca fini ta yuda preserva e gas den e glas y alabes mantene e bebida riba temperatura pa mas largo. Recientemente e consensus bou di expertonan ta cu e miho glas pa bebe champagne aden, cu ta preserva e holor y smaak, ta un glas cu tin e forma di un glas di biña blanco regular.
Biña sparkling ta hacibo burachi mas lihe?
Cientificonan di Gran Britania a compara e nivel di alcohol den sanger entre persona cu a bebe e mesun biña cu y sin gas. E resultado a mustra cu esnan cu a bebe e biña cu gas tabatin un concentracion mas halto di alcohol den nan sanger. Un posibel splicacion pa esaki ta cu e CO2 den e bebida ta acelera e proceso di digestion y ta pone cu enzym den bo stoma tin menos tempo pa procesa y kibra e alcohol. Consecuentemente, e alcohol ta drenta e circulacion di sanger den un forma mas lihe, den cantidad mas halto y esaki ta pone cu bo ta sinti burachi mas lihe.
Con pa habri un boter di Champagne / biña sparkling?
Awo cu nos sa (casi) tur cos over di Champagne, ta resta solamente pa habri e boter y saboria su sabor. Den e video aki e presentador ta splica con ta habri un boter di biña sparkling na un manera profesional y safe. Salud!
Ken a inventa Champagne?
Esaki te cu dia di awe ta un topico di discusion. Dom Perignon, un monnik procedente di e region Champagne, ta wordo considera e inventor di Champagne y ta wordo bisa cu el a haci esaki na 1697. Sin embargo, tin prueba cu na Limoux, den parti sur di Francia, ya caba tabata produci biña sparkling for di aña 1531. Tambe tin hende cu ta kere cu e tecnica di un segundo fermentacion a wordo inventa pa cientifico Christopher Merrett na Inglatera den aña 1662.
Laga Champagne pa ken?
E corki di un boter di Champagne ta diseña pa wanta e presion cu tin den e boter y ta expande asina cu bo saca esaki. Pesey, una bes bo habri un boter di Champagne, ta casi imposibel pa cere bek usando su corki. E gas ta scapa anto pa e siguiente dia ya e biña ta plat. Algo cu por yuda, ta inverti den corki special (Champagne stopper) cu ta purba mantene e presion den e boter.
Sinemargo, cu of sin corki special, mas bashi e boter ta, mas oxigeno tin den e boter y consecuentemente mas lihe e ta perde su bubbels (gas) paso e gas di carbon (CO2), cu ta mas pisa cu oixigeno (O2), ta purba pusha e oxigeno afo di e boter y asina ta perde su mesun potencia. Pesey, ora di habri un boter di Champagne ta miho pa caba esaki e mesun dia. Diferente sorto di Champagne
Ora di cumpra un boter di Champagne, Cava, Spumante of otro biña sparkling di bon calidad, ta importante pa sa e diferencia entre e smaaknan. Di Brut pa Doux, e diferencia tin di haber cu e cantidad di sucu den e boter. Di seco pa dushi:
Brut Nature: niun sucu adicional y menos di 3 gram/liter di sucu. Apropia pa e bebedo avansa.
Extra Brut: entre 0 y 6 gram/liter di sucu.
Brut: menos cu 12 gram/liter di sucu. Esaki ta e variedad di mas suave y mas bendi.
Extra Sec (Extra Dry): entre 12 y 17 gram/liter di sucu. Un tiki mas zoet cu Brut.
Sec (Dry): entre 17 y 32 gram/liter di sucu.
Demi-Sec: entre 32 y 50 gram/liter di sucu.
Doux: mas cu 50 gram/liter di sucu.
Gran mayoria di Prosecco no ta pasa den e proceso di segunda fermentacion den boter y banda di e diferencia den produccion y calidad tambe tin un diferencia den e variedadnan. Prosecco di seco pa dushi:
Brut: te cu 12 gram/liter di sucu.
Extra Dry: entre 12 cu 17 gram/liter di sucu. Esaki ta e variedad di mas popular.
Dry: entre 17 y 32 gram/liter di sucu.
Cua ta e miho glas pa bebe Champagne?Glas di champagne ta bin den diferente forma. E dos tipo di glasnan mas famoso y historico ta e coupe y e flûte. E coupe ta e original, basicamente e forma di un comchi. Leyenda ta bisa cu e inspiracion pa e diseño di e coupe a bin di e pecho robes di Marie Antoinette. Berdad of no, na 2008 Moët & Chandon a puntra diseñador Karl Lagerfeld pa diseña un coupe nobo pa nan champagne Dom Perignon, anto el a haci esaki tumando inspiracion for di e pecho robes di modelo Claudia Schiffer y seis aña despues a basa e coupe riba e pecho robes di Kate Moss.
E flûte a wordo introduci rond di 1700 y a bira popular na siglo 20 paso su forma largo y boca fini ta yuda preserva e gas den e glas y alabes mantene e bebida riba temperatura pa mas largo. Recientemente e consensus bou di expertonan ta cu e miho glas pa bebe champagne aden, cu ta preserva e holor y smaak, ta un glas cu tin e forma di un glas di biña blanco regular. Biña sparkling ta hacibo burachi mas lihe?
Cientificonan di Gran Britania a compara e nivel di alcohol den sanger entre persona cu a bebe e mesun biña cu y sin gas. E resultado a mustra cu esnan cu a bebe e biña cu gas tabatin un concentracion mas halto di alcohol den nan sanger. Un posibel splicacion pa esaki ta cu e CO2 den e bebida ta acelera e proceso di digestion y ta pone cu enzym den bo stoma tin menos tempo pa procesa y kibra e alcohol. Consecuentemente, e alcohol ta drenta e circulacion di sanger den un forma mas lihe, den cantidad mas halto y esaki ta pone cu bo ta sinti burachi mas lihe.
Con pa habri un boter di Champagne / biña sparkling?
Awo cu nos sa (casi) tur cos over di Champagne, ta resta solamente pa habri e boter y saboria su sabor. Den e video aki e presentador ta splica con ta habri un boter di biña sparkling na un manera profesional y safe. Salud!
