Con pa flirt y ta atractivo

Desiree Swaen02
Love Coach Desiree Swaen. Potret: Ayrton Tromp

Un preocupacion comun cu practicamente tur esnan cu bin pa dating coaching tin, ta pa haya atencion di e posibel pareha, sa con pa seduci y mantene e interes bibo. No ta importa si bo ta soltero, of ta date, bibando hunto of casa. Practicamente pa tur hende, e hecho di ta atractivo ta un factor importante pa por ta exitoso den bida y principalmente den amor. 
 
Segun analisis, esnan mas atractivo ta practica lo siguiente: 


Higiena y cuido corporal 

Sumamente importante ta pa baña regularmente y tene bo curpa limpi, corta huña, uza perfume (light), tiña y/of style bo cabey/barba ora mester, feita y uza (light) make up, skeiro djente regularmente y mantene bo djentenan door di bishita bo dentista. Corda cu bo smile ta bo carchi di presentacion. 
woman taking bath

Salud fisico 

Un lifestyle di come saludabel y haci ehercicio pa mantene un curpa ‘fit’. Esaki no kiermen yuna constantemente of pasa bo dia completo den gym. Un persona obsesiona cu su fisico mas bien ta demostra insiguridad, cual ta un factor no-atractivo y bo por aparenta di ta un persona superficial. En todo caso, haciendo bo best pa bo hiba un bida saludabel, automaticamente bo lo mustra bon. 
thumb up

Sentido di estilo 

Bisti di acuerdo cu bo edad y bo tipo di curpa y focus riba pañanan cu ta mehora bo apariencia. No obsesiona demasiado cu size. Evita paña cu ta demasiado preta of demasiado los of cu ta lagabo mustra mas bieu of demasiado mas jong. Scoge colornan atractivo cu ta bay cu bo ‘skin tone’ y solamente sigui 'fashion trends' cu ta keda’bo bon. 
woman in dressCaracter agradabel 
Caracter agradabel. Tin sentido di humor: haci joke, pone otronan hari. Esaki ta demostra cu bo ta un persona 'fun' y acercabel. Amabilidad y simpatia: ofrece ayudo na unda cu bo por, y demostra respet y bon educacion na tur momento. Demostra empatia y preocupacion sincero pa otro y ta atento. Purba di ta optimista y positivo. Den caso di desacuerdo, ta haci esaki semper den un forma civilisa. 
smile

Lo mas importante 

Bo a nota tur esakinan? Awo ta bin e ultimo y lo mas importante pa bo por conecta cu otronan. Sali! No keda sera den cas. Laga nan wak bo. Bishita lugarnan na unda bo lo por topa un posibel pareha. Flirt: smile amabel y mantene un mirada atento. Demostra atencion y interes den combersacion y no tene miedo di touch e otro persona apropiadamente mientras bo ta combersa. 
 

Desiree Swaen ta un Coach profesional certifica, specialisa den relacion, perdida y spiritualidad. Combinando su pasion, educacion, training y experiencianan personal, Desiree a funda DS Relationship Coaching / DS Love Coach cu un solo meta: yuda hende descubri amor den nan mes y den otro. Sigui Desiree via su pagina di Facebook