E importancia di un anochi romantico

tableDen su prome articulo pa BonPaSa.com, Love Coach Desiree Swaen ta adverti pa e consecuencianan di neglisha bo pareha y ta duna consehonan valioso pa tene e chispa den bo relacion.


Un anochi romantico cu bo pareha ta indispensabel pa revitalisa bo relacion, reestablece e coneccion emocional y e intimidad entre abo cu bo pareha. Valentine’s Day ta un ocasion ideal, pero esaki no mester ta e unico ocasion pa demostra bo pareha con special e ta pa’bo. Pa planea un anochi romantico bo no tin mester di tin un motibo special. Algun pareha ta scoge pa hacie un biaha pa siman of un bes pa luna pa nan por ta sigur cu nan ta keda mantene e relacion interesante. Otronan ta scoge pa ta spontaneo, y haciele den forma di sorpresa, locual tambe ta zorg pa tene e chispa den bo relacion.
Costo generalmente no ta importa. No tin nada mas valioso cu bo tempo.”

Bo creatividad y atencion pa locual bo pareha ta gusta, lo demostra bo pareha cuanto bo ta 'care' y lo lag’e sinti stima y balora. Costo generalmente no ta importa. No tin nada mas valioso cu bo tempo. Pues, no ta importa si ta un weekend stay na e hotel di mas 'fancy', dinner na e restaurant di mas luhoso, un cita na un luga den naturaleza of na cas mes. E esencia ta e dedicacion cu bo tin na e momento ey. Pues, na unda cu bo dicidi pa hacie, en todo caso zorg pa bo por duna 100% di bo atencion. Wak pa e celularnan ta paga of riba silent, pa nan no ta un estorbo. Si bo tin yiu, regla di antemano pa un hende por wak p’e pa boso por disfruta sin interupcion. Quality time ta esencial pa haci di e anochi uno memorabel. 

Con creativo bo por ta? Blindfold e, y kidnap e. Un moonlight picnic den parke, stargazing riba beach, un candle light dinner, bay wak un pelicula of bay baila.... Aruba tin asina tanto opcion di luganan bunita y romantico pa bishita. Un bon idea ta, pa puntra bo mes, kico boso tawata haci antes, cu pa un motibo of otro boso a stop di haci. Y purba reintroduci esaki den boso relacion.
Con creativo bo por ta? Blindfold e, y kidnap e.”

Nos tur tin bidanan hopi 'hectic' cu hopi obligacionnan cu ta pone cu nos ta sinti cu nos no ta resta tempo ni pa nos mes, corda pa nos pareha. Pero puntra bo mes si esaki ta completamente berdad. No por ta asina, cu nos ta prefera di uza e tempo cu ta resta, pa otro cos? What if, bo haci bo pareha y bo relacion bo prioridad? Mi ta sigur cu bo lo mira e frutonan di e cambio aki, mas lihe cu bo mes ta kere. Si, e ta tuma esfuerso, pero bo relacion no bal esey?
distracted coupleE risico di no duna atencion na contacto y intimidad den bo relacion ta cu na cierto momento abo cu bo pareha ta 'grow apart'. E persona special aki, cu abo a considera como 'the one' poco poco ta bira menos atractivo den bo wowonan y menos interesante pa’bo. Den mayoria caso, e relacion sexual ta e prome cos cu ta sufri pa motibo di ta demasiado ocupa cu otro cosnan of otro hendenan. E distanciamento fisico y emocional ta pone cu na luga di busca intimidad den nan propio relacion, parehanan ta cuminsa wak rond, pa cosnan mas interesante. Tur esaki ta pasa pa motibo cu e coneccion ta bay perdi, y e 'band' ta bira mas y mas los te ora no ta resta nada mas cu un tipo di amistad.
Pa cierto parehanan, combersacionnan riba social media y e practica di check e telefon constantemente pa comentarionan y 'likes' a bira hopi mas interesante cu comparti tempo cu nan pareha.”

Social media ta hungando un rol peligroso den esaki, ya cu pa conecta cu otro persona(nan) no ta necesario mas ni pa sali for di bo cas. Pa cierto parehanan, combersacionnan riba social media y e practica di check e telefon constantemente pa comentarionan y 'likes' a bira hopi mas interesante cu comparti tempo cu nan pareha. Cu e consecuencia cu e pareha ta sinti su mes neghisha y ta bay busca su propio forma di entretenimento. Y asina ambos ta aleha di otro, cu tur e posibel consecuencianan. No ta por nada cu distancia emocional y falta di comunicacion ta hungando un rol mas y mas grandi den problemanan di pareha. Hopi di nos ta asina distrai door di e bida social y obligacionnan diario cu nos tin, cu nos no ta ripara cu nos ta distanciando nos mes.
Un relacion sano ta den bo man. No lag’e bay perdi door di negligencia.”

Si bo ta stima bo pareha y bo relacion ta berdaderamente importante pa’bo, ta bon pa bira consciente di tur esaki y enfoca bo atencion na unda e mester ta. Un relacion sano ta den bo man. No lag’e bay perdi door di negligencia. Share e informacion aki cu bo pareha.

Planea un anochi romantico, awe!

Desiree Swaen01
Love Coach Desiree Swaen. Potret: Ayrton Tromp

Desiree Swaen ta un Coach profesional certifica, specialisa den relacion, perdida y spiritualidad. Combinando su pasion, educacion, training y experiencianan personal, Desiree a funda DS Relationship Coaching / DS Love Coach cu un solo meta: yuda hende descubri amor den nan mes y den otro. Sigui Desiree via su pagina di Facebook