E peliger di ta den un relacion cu un narcista II

parehaTin biaha no ta posibel pa evita un relacion cu un narcista. Por ehempel, ora cu ta trata di un hende cu bo ta biba bou di mesun dak cun’e, manera bo mama, tata of yiu. Tambe por ta un persona cu bo ta traha diariamente cun’e, por ehempel bo hefe of business partner. Tambe den e caso cu ta trata di bo pareha y bo no tin e manera (financieramente) di los for di e persona aki.
... e narcista ta gosa di e poder cu e tin ora e ripara cu e ta logra domina y somete otronan na su exigencianan.” 

Confronta un narcista no tin ningun sentido. Nan ta confronta’bo bek mas duro cu abo a pensa cu bo lo por confronta nan. Mirando cu esaki no tin sentido, hopi di esnan cu ta biba confronta cu un narcista ta scoge pa mantene paz den e relacion door di acomoda e narcista, dun’e compliment, no contradiciele y no mustra ningun forma di resistencia. Pero esaki a lo largo mas bien ta empeora e situacion, ya cu e narcista ta gosa di e poder cu e tin ora e ripara cu e ta logra domina y somete otronan na su exigencianan. 

Enfrenta un narcista ta practicamente un guera perdi, pero lag’e pasa riba bo tampoco ta un bon opcion. P’esey hopi psicologo ta di acuerdo cu sali di un relacion cu un narcista ta e miho opcion.  
Confronta un narcista no tin ningun sentido. Nan ta confronta’bo bek mas duro cu abo a pensa cu bo lo por confronta nan." 

Pero den e caso cu esaki no ta posibel, kico ta e miho alternativanan?
 
 

Ayudo profesional 

Busca ayudo profesional pa haya e curashi y determinacion pa responde di tal manera, cu bo ta menos vulnerabel pa abuso di parti di e narcista.
 
 

Compronde su insiguridad 

Compronde cu e narcista su manera di trata’bo ta surgi di su mesun inseguridad y disgusto pa cu su mes, cu ta surgi hopi bes, di circunstancianan desagradabel durante su infancia. Mas bien e ta proyectando su frustracionnan personal ariba bo. Hasta ora e ta sumamente ofensivo, bo por opta pa mira esaki como un forma desespera di defensa. Una bes cu bo por wak door di tur e comedia aki y bo realisa con zwak e persona aki ta berdaderamente, bo por haya e curashi pa encamina e proceso pa los emocionalmente for di dje.
 
 

Los emocionalmente 

Pa logra los emocionalmente bo mester yega na un punto, na unda su palabranan ta pasa banda di’bo bay manera un nubia inofensivo. Su manera toxico di actua no ta afecta bo mas. Bo mester descubri con pa proteha bo mes door di no tuma cualkier cos cu nan haci of bisa, personal. Pa esaki abo mester cultiva mas compasion pa bo mes y esaki lo refleha den e manera con bo ta deal cu e narcista. E narcista lo bay observa y uza bo propio disgustonan cu bo mes y bo propio berguensa di bo mes, contra bo. Mas compasion bo tin pa bo mes, menos bo ta husga bo mes, menos su palabranan y accionnan lo afecta’bo. Esaki ta un manera hopi efectivo pa kibra e defensanan di e narcista.
 
 
Corda: NIUN otro hende por wak pa’bo, niun hende por proteha’bo, ta ABO so por proteha bo mes y ta ABO mester wak pa bo mes. Si e persona aki na cierto punto ta bira fisicamente violento of bo ripara cu bo bida / salud ta den peliger, ta altamente recomendable pa sali for di e relacion. 

Klik AKI pa lesa e prome parti di 'E peliger di ta den un relacion cu un narcista'.
 
Desiree Swaen2
Desiree Swaen ta un Coach profesional certifica, specialisa den relacion, perdida y spiritualidad. Combinando su pasion, educacion, training y experiencianan personal, Desiree a funda DS Relationship Coaching / DS Love Coach cu un solo meta: yuda hende descubri amor den nan mes y den otro. Sigui Desiree via su pagina di Facebook